[一對情侶放工時的對話]
男:今晚妳想食乜嘢?女:是旦啦!!你話事
男:食壽司好唔好?
女:天寒地凍仲食啲凍冰冰嘢...
男:咁去打邊爐啦.天氣咁凍，打邊爐就最正
女:我前兩日先打過，成日打好熱氣...
男:咁去食泰國嘢或者韓國燒烤好唔好??
女:都話咗熱氣啦，仲要我食呢啲嘢，你有冇心聽我講嘢0架...
男:咁去poxxa好唔好??嗰度啲set dinner 都幾好食(開始有d無奈)
女:poxxa好多人.唔想排隊
男:咁去鋸扒好唔好??
女:唔想食咁多肉，好肥o架...
男:冇人叫妳食晒件扒.或者妳叫碟意粉又或者其他嘢都得架
女:咁咪即係叫我睇住你鋸扒，我唔食你都唔準食...
男:咁食台灣嘢好唔好?(有d火)
女:台灣野好多油.好肥0架(撒嬌狀)
男:咁去食粥啦(已經開始"發悔氣")
女:天氣咁凍.食粥唔飽肚
男:麥記定雞記....行啦(明顯已經唔想諗)
女:都話熱氣囉..(委屈狀)
男:咁不如妳話事啦.我唔想諗啦.....
女:我就係諗唔到食乜先叫你話事.你俾啲主見得唔得(發脾氣)
男:唔係話熱氣.就話肥.我真係諗唔到仲有乜可以食(爆發了)
女:咁係熱氣.係肥吖嘛...我有講錯咩.自己諗唔到就亂發人脾氣(惡人先告狀)
男:咁去千千食拉麵好唔好(死狗狀)
女:唔...都好.我要食咖哩拉麵/炸餃子.仲要食雪糕(明顯係先好就收)
你哋睇完有冇似曾相識嘅感觉?
em2:
Re:[一對情侶放工時的對話]
又要減肥,又怕熱氣,返屋企吃飯喇,無聊Re:[一對情侶放工時的對話]
啲噉嘅女人~~眞係~~~~唉~~~~~
頁:
[1]