新鮮豬肉自述
本帖最後由 胖胖 於 2010-7-31 10:28 編輯上個世紀，辛亥年末，粵北山區，平安夜前，漢族男兒，闖入塵世。
飛鴻老鄉，黃家後代，龍的傳人，黑眼黑髮，排行老大，名曰敬業。
講廣州話，識普通話，講話普通，略懂客家，少少英文，ask & get。
五呎八吋，兩百幾磅，一把年紀，就嚟四張，笑面如佛，敦厚穩重。
筆暢師兄，學友粉絲，鍾意旅行，間中睇書，五音不全，好少運動。
同姓相戀，內部轉帳，回歸以後，移民新界，一家三口，屯門蝸居。
我係胖胖。 廣州方言？:L 廣州話係我嘅母語呀！ 若果，粵語係你母語，噉請你——
一，無論公私場合，開口就講粵語。
對方識聽嘅，唔使講，梗係照講粵語啦！
對方聽唔明，你先改口（英語、煲冬瓜...）
二，若果人哋撩你傾偈，
對方講粵語，啱嘴型，咪照講粵語囉！
對方煲冬瓜嘅，問佢：「你識唔識得講粵語咖？」，佢確係唔識先同佢煲冬瓜。
三，若果對方係講粵語嘅，佢係都要煲冬瓜嘅，請佢講粵語，順便話埋畀佢知：
聯合國教科文組織（UNESCO）喺2009年定義咗粵語係語言，唔係方言；兼且，冬瓜煲得多，好「削腎」嘅。
四，為咗傳承粵語及嶺南文化，請你同你嘅下一代記實講粵語，同埋畀心機教母語唔係粵語嘅人學好粵語。
廣州啲細路，唔使講，梗係講粵語啦！話知佢學校老師留你堂、罰你企，六祖慧能返生都嚟撐你！莫講話父母啦！ 呵呵，您睇得出我冇講白話？ 我哋由細到大，到為人父母，教育子女都係講粵語，聽聞有人排斥粵語都嬲到爆，我哋死撐粵語咖！
頁:
[1]