情人节前后单身靓仔出租
<p> 重有一个礼拜，一年一度嘅西方情人节就到嘞，为咗贯彻“寂寞的心有聊／撩俱乐部”助人自助嘅宗旨，<br/>现特决定将卢总本人于当日出租，为大家提供优质嘅舒心服务。</p><p> 出租分两种，一种系面向女士，另外一种系面向男士，各有不同，请各位小心阅读细则。</p><p> 面向女士嘅，又分为有拖拍同冇拖拍两种——有拖拍部分包括已婚人士。</p><p> 有拖拍女士，包括已婚女士，想侦查对方当日有冇越轨行为嘅请提前两至三日预约面谈。收费系每个钟头<br/>１００蚊起，最低消费３个钟头，期间一切交通、饮食、娱乐场所消费实报实销。因为若果你哋之间的确存在<br/>有第三者，情人节前后系最容易发现嘅，为免将来后悔，都系早啲揭穿为好。唔信嘅可以参阅一下我几年前嘅<br/><a href="http://general-lo.blogcn.com/diary,2223723.shtml">《令四个人终生难忘嘅情人节》</a>。必须于行动之前支付不少于２／３嘅基本费用。</p><p> 冇拖拍嘅女士可以考虑以下各种服务，但有先决条件，限３０岁以下女性（以下价格均按每个钟头计费，<br/>并以人民币结算，超时唔够半个钟头嘅按半个钟头收，超过半个钟唔够一个钟嘅按一个钟头收），３０岁以上<br/>女性可以酌情处理，但费用起码上浮３０％：</p><p> 陪 倾 偈：３８／ｈ ３个钟以上（唔包括３个钟）按３０／ｈ计，期间饮品由女方提供，倾谈嘅内容<br/> 唔包括排八字、睇掌相、上门摆阵睇风水——呢啲要另外收费。</p><p> 陪 行 街：４８／ｈ ３个钟以上（唔包括３个钟）按３８／ｈ计，期间可以帮女方讲价、提货、畀钱<br/> （但事前女方要先畀钱笮袋），每个钟头至少要有５分钟休息时间。</p><p> 陪 食 饭：１６／ｈ ２个钟以上（唔包括２个钟）按１２／ｈ计，本人唔食辣，不嗜肉，唔识饮酒，<br/> 盒仔饭亦可，餐费由雇主支付，如须由本人埋单嘅，请提早畀定钱。</p><p> 陪 睇 戏：２０／ｈ 睇３场送一场，包括演唱会，当日有效。绝对唔睇用普通话配音嘅港产片、卢总<br/> 所厌恶嘅人参与演出嘅表演，戏票或者演唱会门菲由雇主搞掂，期间零食、饮料<br/> 等杂项均由雇主预备。</p><p> 陪出席聚会：６６／ｈ ２个钟以上（唔包括２个钟）按６０／ｈ计，危险地方唔去，需要特别着装嘅，<br/> 由雇主提供。</p><p> 如果系靓女，可以享受以下一啲私人嘅服务：拖手每次３蚊（两分钟之内，过时照计），全日唔限次数，<br/>随拖随放１００；拥抱每次８蚊（两分钟之内，过时照计），全日唔限次数１８８；打车轮（即系接吻）则须<br/>面议，视女方嘅情况而定，未必会接受申请。至于靓女与否，由本人亲自裁决，卢总拥有最终解释权。</p><p> 惠顾满３８８，送神秘礼物乙份；惠顾满６８８，再加送健康丰富正餐乙份。调查行踪者唔可以享受此项<br/>优惠。</p><p> 面向男士嘅，都分为有拖拍同冇拖拍两种——有拖拍部分包括已婚人士。</p><p> 有拖拍男士，包括已婚男士，想侦查对方当日行踪请参阅上面有拖拍女士部分。</p><p> 如果要送花、送礼物，就有３８、６８、８８、９８、１０８、１２８、１６８、１９８、２３８、<br/>２６８、２８８、３３８、３８８、６６８、８８８、９９８同１０８８套餐可供选择，详情请向卢总垂询。</p><p> 至于策划惊喜、意外、求爱、求婚等行动则面议商讨，面谈费每３０分钟１００，行动费用须于行动进行<br/>前全额缴清，而且唔包一定成功。求婚成功者可获婚礼策划优惠待遇，卢总拥有最终解释权。</p><p> 以上价格仅限广州市区，而且不含税，如需发票，须另外加收９％嘅税金及手续费。外地客户必须包来回<br/>水脚、全程食宿及通讯等额外费用。</p><p> 为免向隅，欲租从速。请即致电“寂寞的心有聊／撩俱乐部”垂询，或者以ＱＱ、电邮等与卢总联系，亦<br/>可以喺庶留低联系方式，将会有专人回复你。欢迎中介，犒酬定必不薄。预祝各位有个开心嘅情人节！</p> 冇拖拍男士嗰部份喺邊？睇唔到噃。 <p>冇拖拍男士可以玩惊喜、意外、求爱，或者帮自己心仪嘅女仔揾佢男友嘅痛脚，以达到自己乘虚而入嘅目的……</p><p>唔肯动脑筋花啲心思使啲钱又点可以由冇拖拍变有拖拍啊？</p> <font face="新細明體">諗起電影《金雞》。</font> <div class="msgheader">QUOTE:</div><div class="msgborder"><b>以下是引用<i>Wai</i>在2007-2-9 17:52:33的發言：</b><br/><font face="新細明體">諗起電影《金雞》。</font></div><p>乜解究呢？两部戏我都冇睇过。</p> <p><font face="新細明體">冇拖友嘅人想喺情人節搵個伴。</font></p><p><font face="新細明體">查實係想搵個傾得偈嘅人，唔使咁悶。</font></p><p><font face="新細明體">搵嗰個人要知到個客仔嘅心係點諗，又要交足功課。</font></p><p><font face="新細明體">呢種交易，同《金雞》好似。</font></p> <p>哈哈哈~~~~~卢总出租!有新意!</p><p>~~~~期待有客人搵卢总~~到時我地有故仔聽啦!!</p><p>?</p><p>睇左《令四个人终生难忘嘅情人节》, 個經歷幾特別喎!!!</p> <div class="msgheader">QUOTE:</div><div class="msgborder"><b>以下是引用<i>Wai</i>在2007-2-10 5:59:10的發言：</b><br/><p><font face="新細明體">冇拖友嘅人想喺情人節搵個伴。</font></p><p><font face="新細明體">查實係想搵個傾得偈嘅人，唔使咁悶。</font></p><p><font face="新細明體">搵嗰個人要知到個客仔嘅心係點諗，又要交足功課。</font></p><p><font face="新細明體">呢種交易，同《金雞》好似。</font></p></div><p></p>我就觉得有啲人嘅心态就系唔想畀人见到自己孤零零一个过情人节，所以就需要揾个人做场戏畀大家睇，证明自己唔系冇人爱，自己重有魅力——呢个就系情人节最好嘅商机！ <div class="msgheader">QUOTE:</div><div class="msgborder"><b>以下是引用<i>Kathy</i>在2007-2-10 15:19:41的發言：</b><br/><p>哈哈哈~~~~~卢总出租!有新意!</p><p>~~~~期待有客人搵卢总~~到時我地有故仔聽啦!!</p><p></p><p>睇左《令四个人终生难忘嘅情人节》, 個經歷幾特別喎!!!</p></div><p></p><p>我当然希望有人帮趁啦，话晒而家年关将至。</p><p>但系未必每一个故事都可以拎出嚟讲，毕竟都系人哋嘅私隐。</p><p>基本上我讲得畀大家知嘅，事前都得到事主嘅首肯，我唔会随意泄露人哋嘅资料——呢个系最基本嘅专业操守！</p> <p>你嗰篇《令四个人终生难忘嘅“情人节”》最後嗰度經典，以為你有部咩車，點知要“遞頭盔”嘅~~</p> 之後你係咪理所當然噉同咗E小姐一齊啊？ <div class="msgheader">QUOTE:</div><div class="msgborder"><b>以下是引用<i>羊城惜花人</i>在2007-2-12 17:05:58的發言：</b><br/><p>你嗰篇《令四个人终生难忘嘅“情人节”》最後嗰度經典，以為你有部咩車，點知要“遞頭盔”嘅~~</p></div><p>要“递头盔”有咩问题？</p><div align="center"><font color="#6600ff">万</font> <font color="#ff0000">喺广州限摩</font> <font color="#6600ff">一</font></div><div align="center"><font color="#6600ff">人</font> <font color="#ff0000">系无能之举</font> <font color="#6600ff">人</font></div><div align="center"><font color="#6600ff">担</font> <font color="#ff0000">乃懦夫所为</font> <font color="#6600ff">犯</font></div><div align="center"><font color="#6600ff">枷</font> <font color="#ff0000">绝非良策也</font> <font color="#6600ff">事</font></div> <div class="msgheader">QUOTE:</div><div class="msgborder"><b>以下是引用<i>羊城惜花人</i>在2007-2-12 17:07:24的發言：</b><br/>之後你係咪理所當然噉同咗E小姐一齊啊？</div><p>你啲逻辑都几……</p>
頁:
[1]