粗口五字真言中，「屌」字係當之無愧嘅一哥，因為係得佢可以作動詞用，所以「屌」嘅地位超然，相當於五指中嘅手指公——不過好奇怪，我哋卻竪起中指嚟表示「屌」嘅意思。
　　廢話少講，開始詳解「屌」嘅用法：
　　1、男對女嘅性交動作，亦指將陰莖插入（男或女嘅）其它部位。語帶侮辱性，傾向指肉慾方面的性交，通常不會用於形容夫妻、愛侶間嘅性事。例：
　　琴晚屌咗條女兩次。
　　同條女屌閪。
　　2、辱罵人嘅用語，實際上唔涉及性，男女均可用，對象可為同性或異性。例：
　　屌你！
　　屌七你啦！
　　屌你老母！
　　最搞笑嘅係某人同母親鬧交，佢母親對住個自講：「我屌你老母閪！」
　　3、鬧。例：
　　畀老世屌。
　　做乜屌我啫，都唔關我事。
　　4、嘆詞，單獨使用，表示憤怒、不悅、驚奇、失望等，常置於句首。例：
　　屌！又衰咗！
　　屌！個波噉都唔入！
　　屌！收皮啦。
　　屌！冇理由口架！
　　好多時候，「屌」亦可以置於句末，意思基本唔變，只係表達感情嘅時機唔同咗，如上面嘅句子，全部都可以將「屌」擺喺最後，由「屌」帶出嘅感情喺最後先表露出嚟，有種餘韻未了嘅感覺。
　　「屌」字重有好多其它用法以及與其它字嘅組合，留待下篇再講。

（註：本文部分內容參考《廣東話粗口研究網》）

copyright：本文版權屬於粵語協會