有人話「屌」嘅本字係「鳥」，即係男性嘅「啫啫仔」。此種講法是否確實尚未可知，但「屌」原本確實係名詞，即所謂嘅「男性那話兒」。上篇所介紹嘅動詞用法，係由本義引申。
　　今日，粵語中以「屌」作名詞嘅講法已經唔多，諗得起嘅只有一個「托屌」，意思係話完全冇必要做一件事（做嚟都多×餘）：你同佢講咁多托屌咩（你唔應該同佢講咁多）。
　　「屌」喺臺灣可以做動詞，解作勁、酷，例如「好屌」、「超屌」，據說係「屌人」李敖嘅口頭禪。粵語「屌」雖然冇呢個用法，但同樣可以作形容詞，常見嘅有「屌」同「屌閪」，兩者意思相同，指唔好，令人討厭。例如：
　　佢條仔好屌。（佢男朋友好差，但差喺邊卻無需講明，有可能係人品唔好，或性格唔好，或某方面令人討厭）
　　啲憤青零舍屌閪。（憤青非常乞人憎）
　　由於「屌」字義項豐富，所以可以同其它中文字組成好多固定詞組，例如「屌那媽」、「屌那性」、「攞屌」、「五行欠屌」等等，以後有將機會細講。另外，「屌」同另外幾個粗口字以及其它嘅一啲助詞嘅組合千變萬化，留代後續篇章專門探討五字真言嘅語法。

（註：本文部分內容參考《廣東話粗口研究網》）

copyright：本文版權屬於粵語協會