一年一度嘅亚洲小姐选举，爆咗句新式粤语：用番枧洗净把口。

呢句话嘅原创系其中嘅一位候选佳丽。主持人问姖若果畀人骚扰，妳会点嬲法（题目同当年考杨恭如一样）。呢位佳丽答咗两三句，主持人重嫌唔够喉，故此，呢位佳丽就拎咗句妈咪教嘅英语出嚟，然之后就翻译畀大家听，即系话要阿边个「用番枧洗净把口」。

呢位佳丽有少少似番鬼妹，估计系自细喺外国读得番书多，谂嘢都系优先用英语，讲咗句英语，先会用粤语表达。点都好，姖呢句「用番枧洗净把口」确实几有粤味，你话新又得，旧亦得，总之，就系得咗。