喺廣東話中，「走」字有「小跑，急急腳行」嘅意思。而「行」字，則係以普通步速移動。所以有「未學行，先學走」同埋「雞噉腳噉走」嘅講法。
但而家，好多被北方話感染嘅人，都會變咗講「你向前走幾分鐘就到」、「你走過嚟啦」…… 又或者，想講一個人暫時離開位置，我哋以前都會講「佢啱啱行開咗」。但好可惜，呢幾年更多嘅係聽到：「佢走開咗」。
唔該「走」嘅時候「走」咗，噉該「走」嘅時候呢？「跑」晒。我哋睇下古時呢兩個字嘅用法：
走——會意。金文字形象擺動兩臂跑步的人形，下部象人腳，合起來表示人在跑。本義為跑。
跑——形聲。從足。包聲。本義：獸用足刨地。
再睇呢篇古文：「居十日，扁鵲望桓侯而還走。」
唔知各位對呢三個字有冇重新認識呢？
本文版權屬於粵語協會，轉載務必註明出處 | 