《難忘您的音韻》CD正式發佈

　　2007年1月23號，經過一年半時間嘅創作、籌劃、錄音、設計，由「粵語協會」、「許冠傑音樂聯盟」、「許冠傑珍藏網」、「愛K翻唱博客」四網聯合製作嘅CD《難忘您的音韻》終於出爐。
　　2007年1月31號，羊城晚報C8版刊出粵語協會專訪，其中好大篇幅介紹《難忘你的音韻》呢張專輯嘅歌曲以及製作過程（詳情請睇呢度）。該CD以粵語流行曲之父許冠傑嘅十二首名曲旋律，經重新以粵語填詞，成為意義與風格全新嘅歌曲。其中嘅《羊城感懷》、《憤怒》、《立志要出衆》、《不須靠命數》由粵語協會管理員Highyun創作；《情聚珠江》、《緣在盡頭》、《成家立業》、《憶舊情》、《夢醒今朝》由許冠傑珍藏網網主、粵語協會論壇“粵語歌室”版主Samkong創作；《難忘你的音韻》由LHK創作；《又見春恨》及原創歌曲《在你歌聲裏》由「許冠傑音樂聯盟」網主Allen創作。

　　承住呢個勢，四網决定於2007年2月1號同時發佈該張專輯CD，開放詳細介紹網頁，以供各位有興趣嘅朋友欣賞：

　　http://www.cantonese.asia/attachments/remembersam/cd.htm

在線試聽請到此網址：

　　http://bbs.cantonese.asia/viewthread.php?tid=4950

　　注意：唱片中嘅所有音樂版權屬於原曲作者，所有歌詞版權屬於改編填詞人，由於唱片係非賣品，喺唔涉及商業目的嘅前提下，歌曲可以任意交流欣賞，但必須註明版權所屬。若發現有非法牟利之行為，必定追究。