腦筋轉數勁 爛Gag嚟贈興（一）

    所謂「食得雞多都有雞屎味」。茶樓「一盅兩件」食得多，耐唔中都想去快餐店食漢堡包飮汽水，老餅粵語講得多，亦不妨噏幾句潮語爛gag。講多無謂，去gag！

Q：姓陳同姓李兩個人寫情信，但最終只有一個人有勇氣寄出去，係邊個呢？

A：姓李嗰個，因爲「李錦（敢）記」。

Q：有條友從十八樓跌落嚟，點解淨系死咗一隻雞？

A：因爲跌佢唔死即刻劏雞還神。

Q：西餐牌上邊種食物係由三個姓氏組成？

A：羅宋湯。

Q：着波鞋可以踢波，着登山鞋可以登山，咁着咩可以飛？

A：雀仔。

Q：張崇德同張崇基個阿哥叫咩名？

A：張崇肯。

Q：動物園猩猩點解鍾意遊客用Nokia手機同佢影相，但係唔鐘意遊客用SonyExxxx手機同佢影？

A：因爲Nokia手機可以自動變焦（蕉）。

Q：益力多係咩味？

A：你今日飮咗味。

Q：恭喜發財，估一個國家名。

A：畀利市（比利時）。

Q：獅子、老虎同狼，邊種動物最適合做警察？

A：獅子，因爲獅子叫Lion（拉人）。

Q：有十兄弟，養咗一隻狗，其中兩兄弟無論點叫只狗，只狗都唔理佢哋，但其他八兄弟一叫只狗，只狗就會即刻回應，請問只狗唔理嘅係邊兩兄弟？

A：九（狗）唔搭八、十問九（狗）唔應

Q：巴斯光年殺咗條龍，後世人幫佢改咗個花名，係咩？

A：殺龍巴斯。

Q：如果有個巫師立咗大功，叫做咩呢？

A：大公巫師（無私）。

Q：一隻雞，一隻鵝，一隻鴨，分三支汽水點解分唔勻？

A：因爲鵝攞多支（婀娜多姿）。

Q：喺一個烹飪班入面，陳太教整蓮蓉包，方太教奶王包，咁邊個教叉燒包？

A：情尋磨教叉燒包。

Q：A、B、C、D、甲、乙、丙、丁8個人遇到危險嘅時候，邊個會帶邊個逃走？

A：甲帶C逃（夾帶私逃）。

Q：將一段新聞反轉嚟播，會變咗乜嘢？

A：紋身。

Q：有甲同乙兩嚿雪，邊嚿高啲呢？

A：甲。因爲「雪蛤膏」。

Q：關羽、張飛、劉備、趙雲四人去睇戲，但四個人當中有一個冇票睇戲，究竟系邊個呢？

A：關羽（關羽張飛留畀趙雲）